Bankasvindl að íslenskri fyrirmynd misheppnast

Að kaupa og selja einungis til og frá til að hækka verð á fölskum forsendum var reynd í Noregi að Íslenskri fyrirmynd að mestu frá Hannesi Smárasyni og Pálma Haraldssyni (Sterling) t.d.

Eini munurinn er sá að í Noregi eru þessir pörudrengir handteknir en á Íslandi ekki.  Milljarðaþjófnaðir af þessu tagi voru svo sem ekkert einskorðaðir við þessa drengi, Jón Ásgeir hefur nú verið seigur við þetta sama og baðað sig í svona lánsfé út um allar tryssur. Síðan er þessum lánum bara velt yfir á þjóðina samanber Baugur group en höfuð skúrkurinn er enn að belgja sig og heimta meira fé og fyrirgreiðslu út á tómar loftbólur. 

Í Noregi standa nú yfir handtökur vegna svindls af þessu tagi og þar eru starfsmenn bankanna í aðalhlutverki í mörgum málanna.  Farið var af stað með þetta svind þegar séð var hvað það gekk vel á Íslandi en þar gátu menn komist yfir hundruði milljarða með einföldu bankasvindli eins og ekkert væri sjálfsagðara.  Þeir sitja aftur á móti í súpunni nú og hafa verið handteknir öfugt við það sem gerist á Íslandi. 

Þetta vekur upp margar spurningar um rannsókn á efnahagsbrotum undanfarinna ára ekki síst eftir hrun bankanna.  Bankarnir yfirskrúfuðu sig í lánveitingum og lántökum og svo virðist sem enginn sé ábyrgur vegna þess.  Það vekur að sjálfsögðu furðu að enginn hefur verið fangelsaður vegna þessara hluta, enginn hefur sætt ábyrgð vegna efnahagslegs hruns íslensku þjóðarinnar vegna starfssemi bankanna. Pótintátar eins og Jón Ásgeir Jóhannesson eru enn að en ættu með réttu að vera á bak við lás og slá og það fyrir löngu.  Hvað er að?  Því eru þessir skarfar ekki teknir? 

Bankamenn eru jafn sekir og sekari en skrattinn sjálfur í lánveitingum og ábyrgðarleysi.  Það er ótrúlegt að milljarðatugalán skuli hafa verið veitt nánast án ábyrgðar en í ljósi hagnaðarvonar viðkomandi er það kanski ekki svo óskiljanlegt.  Þetta er hins vegar allt hægt að rekja, hverjir skrifurðu undir og hverjir sáu um afgreiðslu lána fyrir banka hönd.  Það þarf engan speking til að sjá hvað var um að vera, hundruða milljarða lán voru keyrð í gegn um kerfi bankans og hver hagnaðist á því?  Jú sá sem sá um lánið, sá sem "aflaði" lántakandans,, sá fékk í sinn hlut prósentuhlutfall þeirrar upphæðar sem lánuð var og hefur ekki alltaf verið vandað til meðalanna í þeim efnum til að ná inn pening á eigin reikning, einnig sá sem gat aukið "verðmæti" þess sem lána átti vegna.  Þar er Sterling afar gott dæmi um svik af þessu tagi en þau eru hins vegar mýmörg önnur.  Auðvelt er að sjá hagnað hvers og eins í hverju tilfelli.  Síðan hagnast sjálfur bankastjórinn á öllu saman með því að samþykkja gjörninginn. Svikamyllan sem hér gekk upp gengur hins vegar ekki upp í Noregi.  Þar hefðu Hannes Smárason, Jón Ásgeir, Pálmi Haraldsson, Björgólfur Thor, ofl ofl setið í steininum nú.